وزیراعظم محمد نواز شریف کی پشاور میں ایف سی کی گاڑی پر حملے کی مذمت ایسی گھناﺅنی کارروائیوں کے مرتکب عناصر جلد اپنے انجام کو پہنچیں گے

اسلام آباد ۔ 17 جولائی (اے پی پی) وزیراعظم محمد نواز شریف نے پیر کو حیات آباد، پشاور میں فرنیئر کور کی گاڑی پر حملے کی پر زور مذمت کی ہے جس میں میجر جمال شیران شہید اور دیگر چاراہلکار زخمی ہو گئے۔ وزیر اعظم نے حکام کو ہدایت کی کہ اس گھناﺅنی کارروائی کے مرتکب عناصر کا سراغ لگا کرانہیںانصاف کے کٹہرے میں لایاجائے۔ وزیراعظم نے کہاکہ اس قسم کے عناصر رحم کے مستحق نہیں اور انتہا پسندی و دہشت گردی کے خلاف پوری قوم کے غیر متزلزل اور متفقہ عزم کے پیش نظر وہ جلد اپنے انجام کو پہنچیں گے۔ انہوں نے صوبائی حکومت کو بھی ہدایت کی کہ زخمیوں کو ہر ممکنہ بہترین طبی سہولیات فراہم کی جائیں ۔وزیر اعظم محمد نواز شریف نے میجر جمال شیران کی قیمتی جان کے ضیاع پر افسوس کااظہار کرتے ہوئے ان کے درجات کی بلندی اور غمزدہ خاندان کے لئے صبر جمیل کی دعا کی۔