رواں مالی سال کے لئے گیس کی قیمت میں ردوبدل کے لئے درخواست کی سماعت 18 دسمبر کو ہوگی، اوگرا

اسلام آباد ۔ 6 دسمبر (اے پی پی) سوئی سدرن گیس کمپنی کی طرف سے رواں مالی سال کے لئے گیس کی قیمت میں ردوبدل کے لئے درخواست کی سماعت 18 دسمبر کو ہوگی۔ اوگرا ذرائع کے مطابق سوئی سدرن گیس کمپنی کی طرف سے اس سلسلے میں گیس کی قیمت پر نظر ثانی کے لئے درخواست جمع کرائی گئی ہے۔ سوئی سدرن گیس کمپنی نے گیس کی مقررہ اوسط قیمت میں 84.30 روپے فی ایم ایم بی ٹی یو اضافے کی درخواست کی ہے۔ عوامی سماعت کے دوران تمام صارفین اور دیگر متعلقہ افراد اپنی تجاویز پیش کر سکتے ہیں۔