Election day banner
37.7 C
Islamabad
اتوار, جولائی 21, 2024
ہومبین الاقوامی خبریںتین وسطی امریکی ممالک میں بارشوں سے 30 افراد جاں بحق

تین وسطی امریکی ممالک میں بارشوں سے 30 افراد جاں بحق

میکسیکو سٹی۔22جون (اے پی پی):وسطی امریکی ممالک ایلسلواڈور، گوئٹے مالا اور ہنڈوراس میں بارشوں سے 30 افراد جاں بحق اور بڑے پیمانے پر تباہی ہوئی ہے۔ شنہوا کے مطابق ایل سلواڈور کے قومی شہری تحفظ کے نظام کے ڈائریکٹر لوئس الونسو امایا نے بتایا کہ شدید بارشوں کی وجہ سے ملک میں پیش آنے والے مختلف واقعات میں دو بچوں سمیت19 افراد جاں بحق ہوئے۔ جاں بحق ہونے والے بچے سان سلواڈور کی میونسپلٹی کے ضلع سویاپنگو میں واقع ایک گھر کے ملبے تلے دب گئے تھے۔

طوفانی بارشوں سے ہونے والے نقصانات بارے ایلسلواڈور حکام کی رپورٹ کے مطابق اب تک 706 درخت گر گئے اور 521 سڑکوں پر آمدورفت معطل ہو گئی، اس کے علاوہ 582 افراد کو محفوظ مقامات پر منتقل کیا گیا۔گوئٹے مالا کے ادارے نیشنل کوآرڈینیٹر برائے ڈیزاسٹر ریڈکشن کے مطابق ملک میں شدید بارشوں کی وجہ سے 10 افراد جاں بحق ، پانچ زخمی اور 376 کو محفوظ مقامات پر منتقل کیا گیا ہے ۔

سرکاری اعداد و شمار کے مطابق گوئٹے مالا میں 239 سڑکیں اور 27 سکولوں کی عمارتیں متاثر ہوئیں اور 3,245 مکانات کو نقصان پہنچا۔ہنڈوراس کے ہنگامی انتظامی سیکرٹریٹ نے بارشوں کے نتیجے میں اب تک ایک شخص کی موت کی اطلاع دی ہے۔ ملک میں بارشوں سے 6ہزار سے زیادہ افراد متاثر ہوئے ہیں، جن میں سے945 کو محفوظ مقامات پر منتقل کر دیا گیا ہے۔ماہرین موسمیات کے مطابق رواں ہفتے وسطی امریکا میں مسلسل بارشوں کی وجہ خطے میں کم دبائو والے متعدد نظاموں کے اثرات ہیں۔

متعلقہ خبریں
- Advertisment -

مقبول خبریں