راولپنڈی۔24ستمبر (اے پی پی):راولپنڈی پولیس کا منشیات فروشوں ، شراب سپلائرز اور ناجائز اسلحہ رکھنے والوں کے خلاف کریک ڈاؤن جاری ہے ، گزشتہ روز 16 ملزمان گرفتار کر کے چرس ، شراب ، اسلحہ و ایمونیشن برآمد کر لیا ، ترجمان پولیس کے مطابق ٹیکسلا پولیس نے ملزم تیمور علی سے ایک کلو 520 گرام چرس، صدر بیرونی پولیس نے ملزم وحید سے ایک کلو 320 گرام چرس، وارث خان پولیس نے ملزم زبیر سے ایک کلو 180 گرام چرس، نصیر آباد پولیس نے ملزم جاوید خان سے ایک کلو 350 گرام چرس، ملزم آفتاب سے 520 گرام چرس،
رتہ امرال پولیس نے ملزم ناظر خان سے 500 گرام چرس ، وارث خان پولیس نے ملزم ارباز سے 30 بور پستول معہ ایمونیشن، آر اے بازار پولیس نے ملزم توقیر سے 30 بور پستول معہ ایمونیشن، ملزم حماد سے 32 بور ریوالور معہ ایمونیشن، ٹیکسلا پولیس نے ملزم اسداللہ سے 30 بور پستول معہ ایمونیشن، صدر واہ پولیس نے ملزم عبدالقیوم سے 30 بور پستول معہ ایمونیشن، مندرہ پولیس نے ملزم فرمان علی سے 30 بور پستول معہ ایمونیشن، چونترہ پولیس نے ملزم شعیب سے 30 بور پستول معہ ایمونیشن، ملزم عمر حیات سے 30 بور پستول معہ ایمونیشن،
گوجر خان پولیس نے ملزم جاوید سے 20 لیٹر شراب اور نیو ٹاؤن پولیس نے ملزم اشیش سے 10 لیٹر شراب برآمد کر کے ملزمان کے خلاف الگ ، الگ مقدمات درج کر لیے ، ڈویژنل ایس پیز کا کہنا ہے کہ نوجوان نسل کی رگوں میں منشیات کا زہر اتارنے والے ملزمان قانون کی گرفت سے نہیں بچ سکتے ، ہوائی فائرنگ اور ناجائز اسلحہ رکھنے والوں کے خلاف کاروائیوں میں مزید تیزی لائی جا رہی ہے، ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی۔
