برلن ۔20مارچ (اے پی پی):جرمنی کی وزیرِ خارجہ اینالینا بیئرباک نےکہا ہے کہ غزہ پر اسرائیل کے دوبارہ حملوں سے فلسطینیوں کی مصائب کے خاتمے کی امیدیں مایوسی میں بدل رہی ہیں۔
العربیہ کے مطابق لبنان کا دورہ شروع کرنے سے قبل خطاب کرتے ہوئے انہوں نے غزہ پر اسرائیلی حملوں میں سینکڑوں افراد کی ہلاکت کے بعد تنازعے کے تمام فریقوں سے مطالبہ کیا کہ تحمل کا مظاہرہ، قانون کا احترام کریں اور مذاکرات کی طرف واپس آئیں، درجنوں قیدیوں اور فلسطینیوں کی زندگیاں امن پر منحصر ہیں۔
اینالینا بیئرباک نے کہا کہ دشمنی دوبارہ شروع ہو جانے سے ان عرب ریاستوں کی مثبت کوششوں کو بھی خطرہ لاحق ہو گیا ہے جو حماس سے آزاد غزہ کے لیے ایک پرامن راستہ تلاش کرنا چاہتی ہیں۔انہوں نے اس بات سے بھی خبردار کیا کہ ایک ایسے وقت میں وسیع تر علاقائی کشیدگی کا سنگین خطرہ ہے جب لبنان میں صورتِ حال مستحکم ہو چکی ہے۔
Short Link: https://urdu.app.com.pk/urdu/?p=574518
