متحدہ عرب امارات کا ڈبلیو ٹی او کی 13ویں وزارتی کانفرنس کیلئے ویب سائٹ کا آغاز

United Arab Emirates
United Arab Emirates

ابوظہبی ۔12فروری (اے پی پی):متحدہ عرب امارات نے میزبان اور سربراہ کے طور پر ابوظہبی میں عالمی تجارتی تنظیم کی 13ویں وزارتی کانفرنس کے لیے وقف ایک نئی ویب سائٹ کا آغاز کیا ہے ۔ وام کے مطابق یہ ویب سائٹ کانفرنس میں شرکت کرنے والے مندوبین، سرکاری حکام اور اسٹیک ہولڈرز، عالمی تجارتی برادری اور صحافیوں کے لیے جامع معلومات فراہم کرتی ہے جو اس کے مباحثے کو جاری رکھنا چاہتے ہیں۔ اس ویب سائٹ تک مندرجہ ذیل ایڈریس www.wtomc13abudhabi.com کے ذریعے رسائی حاصل کی جا سکتی ہے ۔ یہ کانفرنس 26 سے 29 فروری تک ہوگی اور کانفرنس کے چار دنوں میں ضروری اپ ڈیٹس کے لیے میڈیا سیکشن بھی شامل ہے۔ ویب سائٹ ابوظہبی کے قومی نمائش مرکز(ایدنک ) ہیریٹیج پویلین میں کانفرنس کے دوران دستیاب ثقافتی سرگرمیوں کی ایک رینج کو بھی دکھاتی ہے۔

متحدہ عرب امارات کے شراکت داروں کی طرف سے منعقدہ ضمنی تقریبات کی کلیدی تفصیلات بشمول افریقہ میں تجارت میں خواتین کا کردار، ٹریڈ ٹیک، سپلائی چین فنانس اور MSME کی شرکت جیسے موضوعات پر دنیا کے معروف تجارتی ماہرین کے سیشنز بھی ویب سائٹ پر نمایاں ہیں ۔ مختلف ضمنی واقعات کی تفصیلات ویب سائٹ کے ذریعے www.wtomc13abudhabi.com/sideevents پر دیکھی جا سکتی ہیں۔ وزارتی کانفرنس ڈبلیو ٹی اوکا سب سے بڑا فیصلہ ساز ادارہ ہے جو قوموں کے درمیان تجارت کے قواعد بشمول اشیا، خدمات اور دانشورانہ املاک کی تجارت کی نگرانی کرتا ہے۔

دو سالانہ بنیادوں پر اجلاس وزارتی کانفرنسیں بین الاقوامی تجارتی معاملات پر گفت و شنید اور اتفاق رائے پیدا کرنے کے لیے دنیا بھر سے تجارتی وزراء کو جمع کرتی ہیں۔ ورلڈ ٹریڈ آرگنائزیشن 164 رکن ممالک پر مشتمل بین الحکومتی تنظیم ہے۔ یہ واحد کثیرالجہتی تنظیم ہے جو تجارتی قوانین کے عالمی نظام کو چلاتی ہے اور رکن ممالک کو اقتصادی ترقی کی حوصلہ افزائی، ملازمتیں پیدا کرنے اور عالمی سطح پر لوگوں کے معیار زندگی کو بہتر بنانے کے لیے تجارت کا استعمال کرتی ہے۔