نیویارک۔19ستمبر (اے پی پی): وزیر خارجہ جلیل عباس جیلانی نے اقوام متحدہ کی جنرل اسمبلی کے 78 ویں اجلاس کے موقع پر نارویجن ہم منصب اینیکن ہیٹ فیلڈ سے ملاقات کی۔
اقوام متحدہ میں پاکستانی مشن کے مطابق نیویارک میں اقوام متحدہ کے ہیڈ کوارٹر میں ہونے والی ملاقات میں باہمی دلچسپی کے دوطرفہ امور پر تبادلہ خیال کیا گیا۔
دونوں وزرا خارجہ نے 75 سالہ دوستی کو سراہتے ہوئے مختلف شعبوں میں دوطرفہ تعاون کو مزید مضبوط بنانے پر اتفاق کیا۔ انہوں نے علاقائی اور عالمی چیلنجوں سے نمٹنے کے لیے کثیرالجہتی کی اہمیت پر بھی زور دیا۔
