اسلام آباد۔15ستمبر (اے پی پی):پاکستان اور انڈونیشیا کے درمیان ڈیوس کپ گروپ ٹو ٹائی کل (ہفتہ) سے پاکستان سپورٹس بورڈ اسلام آباد کے گراس کورٹ پر شروع ہو گی۔ پاکستان ٹینس فیڈریشن کے سیکرٹری جنرل کرنل ریٹائرڈ گل رحمن نے بتایا کہ ایونٹ کی تیاریاں مکمل کر لی گئی ہیں۔ ایونٹ دو روز تک جاری رہے گا۔
انہوں نے کہا کہ اعصام الحق قریشی پاکستانی ٹیم کی قیادت کریں گے دیگر کھلاڑیوں میں عقیل خان، محمد شعیب، محمد عابد اور برکت اللّٰہ شامل ہیں۔ ٹیم کے ہمراہ کوچنگ کے فرائض مصحف ضیا انجام دیں گے۔
