پاکستان کرکٹ ٹیم اور بابر اعظم کے ان لمحات میں احساسات کا مجھے خوب ادراک ہے، آپ کے کھیل معیار اور جیت کے بعد عاجزی پر سب کو فخر ہونا چاہئے‘ وزیراعظم عمران خان کا ٹویٹ

وزیراعظم عمران خان کی بابراعظم کوآسٹریلیا کے خلاف ورلڈ کلاس بلے بازی ، کیپٹن اننگ کھیلنے اور ٹیم کو میچ میں

اسلام آباد۔11نومبر (اے پی پی):وزیراعظم عمران خان نے کہا ہے کہ پاکستان کرکٹ ٹیم اور بابر اعظم کے ان لمحات میں احساسات کا مجھے خوب ادراک ہے، آپ کے کھیل معیار اور جیت کے بعد عاجزی پر سب کو فخر ہونا چاہئے۔

جمعرات کو آئی سی سی ٹی ٹوینٹی ورلڈکپ میں آسٹریلوی ٹیم کی فتح کے بعد اپنے ٹویٹ میں انہوں نے بابر اعظم اور ٹیم کے نام لکھا کہ ان لمحات میں مجھے آپ سب کے احساسات کا خوب ادراک ہے کیونکہ کرکٹ کے میدان میں مجھے بھی ایسی ہی مایوسیوں کا سامنا رہا۔

انہوں نے کہا کہ جس معیار کاکھیل آپ نے پیش کیا اور جیت کے بعد جس نوعیت کی عاجزی آپ نے دکھائی اس پر آپ سب کو فخر ہونا چاہئیے۔انہوں نے آسٹریلوی ٹیم کو مبارکباد بھی دی۔