اسلام آباد۔7اکتوبر (اے پی پی): وزیراعظم محمد شہباز شریف نے کہا ہے کہ تازہ ترین آڈیو لیک نے عمران نیازی کی منافقت کو بے نقاب کر دیا ہے ۔
جمعہ کو ایک ٹویٹ میں وزیراعظم نے کہا کہ جو قوم کو اخلاقیات کا درس دیتے نہیں تھکتا وہ خود کھلم کھلا غیر اخلاقی ہارس ٹریڈنگ میں ملوث ہے، اس کی مکارانہ فطرت آئے روز بے نقاب ہو رہی ہے۔ وزیراعظم نے کہا کہ نیازی کے ریاست مخالف اقدامات نےاعلیٰ عہدے کے لئے اسے نااہل بنا دیا ہے ۔