صوفیہ۔30ستمبر (اے پی پی):سائمن بولیلی اور فابیو فوگنینی پر مشتمل ٹاپ سیڈ اطالوی جوڑی اپنی فتوحات کے سلسلے کو جاری رکھتے ہوئے اے ٹی پی صوفیہ اوپن ٹینس ٹورنامنٹ کے مینز ڈبلز مقابلوں کے سیمی فائنل میں پہنچ گئی ۔ انہوں نے مردوں کے ڈبلز مقابلوں کے کوارٹر فائنل رائونڈ میں الیگزینڈر ڈونسکی اور ان کے ہم وطن جوڑی دار الیگزینڈر لازاروف پر مشتمل میزبان جوڑی کو شکست دی۔ اے ٹی پی صوفیہ اوپن ٹینس ٹورنامنٹ کے کانٹے دار مقابلوں کا سلسلہ بلغاریہ کے دارالحکومت صوفیہ میں جاری ہے۔
مردوں کے ڈبلز مقابلوں کے کوارٹر فائنل میچ میں سائمن بولیلی اور فابیو فوگنینی پر مشتمل ٹاپ سیڈ اطالوی جوڑی نے انتہائی شاندار کارکردگی کا مظاہرہ کرتے ہوئے الیگزینڈر ڈونسکی اور ان کے ہم وطن جوڑی دار الیگزینڈر لازاروف پر مشتمل میزبان جوڑی کو سٹریٹ سیٹس میں 4-6 اور 3-6 سے شکست دے کر ٹورنامنٹ کے سیمی فائنل کے لئے کوالیفائی کرلیا۔