ملک بھر میں سونے کی قیمت میں 3,300 روپے کمی ریکارڈ

اسلام آباد۔27فروری (اے پی پی):ملک بھر میں سونے کی قیمت میں 3,300 روپے کمی کے ساتھ فی تولہ سونا 3 لاکھ 3 ہزار روپے کا ہوگیا ۔

آل پاکستان جیمز اینڈ جیولرز ایسوسی ایشن کے مطابق جمعرات کو سونے کی قیمت میں 3,300 روپے کمی کے بعد فی تولہ سونا 3 لاکھ 3 ہزار روپے کا ہوگیا ہے جبکہ 24 قیراط سونے کے 10 گرام کی قیمت بھی 2,829 روپے کمی کے بعد 262,602 روپے سے کم ہو کر 259,773 روپے ہوگئی اور 10 گرام 22 قیراط سونے کی قیمت 240,727 روپے سے کم ہو کر 238,133 روپے ہوگئی ہے۔ آل سندھ صرافہ جیولرز ایسوسی ایشن نے رپورٹ کیا کہ فی تولہ اور دس گرام چاندی کی قیمت بالترتیب 3,314 اور 2,841 روپے پر مستحکم رہی۔ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 2,916 ڈالر سے کم ہو کر 2,887 ڈالر ہو گئی ہے۔

Short Link: https://urdu.app.com.pk/urdu/?p=567125