نیویارک۔24اگست (اے پی پی): کروشین ٹاپ سیڈڈ کھلاڑی بورنا چورچ ، فرانسیسی ٹینس کھلاڑی رچرڈ گیسکٹ اور سربین ٹینس کھلاڑی لاسلو جیرے ونسٹن سیلم اوپن ٹینس ٹورنامنٹ میں مردوں کے سنگلز مقابلوں کے کوارٹر فائنل میں پہنچ گئے ۔26 سالہ کروشیا کے کھلاڑی بورنا چورچ نے مینز سنگلز مقابلوں کے پری کوارٹر فائنل رائونڈ میں امریکی حریف کھلاڑی مائیکل مو کو شکست دی ،فرانس کے رچرڈ گیسکٹ نے امریکا کے برینڈن ناکشیما کو مات دی اور سربین سٹارلاسلو جیرے نے ٹاپ 16 رائونڈ میں امریکی حریف کھلاڑی الیکس مشیلسن کو شکست دے کر ٹاپ 8 کے لئے کوالیفائی کیا ۔
ونسٹن سیلم اوپن ٹینس ٹورنامنٹ کے کانٹے دار مقابلوں کا سلسلہ امریکا میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔ جمعرات کو مینز سنگلز کے پری کوارٹر فائنل میں 37 سالہ کروشیا کے کھلاڑی بورنا چورچ نے عمدہ کھیل پیش کرتے ہوئے وائلڈ کارڈ پر انٹری حاصل کرنے والے امریکی حریف کھلاڑی مائیکل مو 4-6، 7-6(7-3) اور 3-6سے ہرا کر کوارٹر فائنل کے لئے کوالیفائی کیا،
جہاں ان کا مقابلہ ارجنٹائن کے حریف کھلاڑی جان مینوئل سیرنڈولو سے ہوگا ۔ ایک اور میچ میں سربیا کے لاسلو جیرے نے امریکی حریف کھلاڑی الیکس مشیلسن کو سٹریٹ سیٹس میں 4-6 اور 4-6 سے پچھاڑ کر ٹاپ 8 رائونڈ کے لئے کوالیفائی کرلیا۔ سربین فاتح کھلاڑی کا کوارٹر فائنل میں مقابلہ ارجنٹائن کے حریف کھلاڑی سیباسٹین بیزسے ہوگا۔ فرانسیسی ٹینس کھلاڑی رچرڈ گیسکٹ نے بھی ٹاپ 16 رکواٹ عبور کر لی ۔ انہوں نے امریکا کے برینڈن ناکشیما کو 6-2، 4-6 اور 4-6 سے مات دی۔\932
Short Link: https://urdu.app.com.pk/urdu/?p=382039
