APP47-17 ISLAMABAD: May 17 - President National Defence University Lt. Gen. Nazir Ahmed Butt called on President Mamnoon Hussain at the Aiwan-e-Sadr. APP

صدر مملکت ممنون حسین سے نیشنل ڈیفنس یونیورسٹی کے صدر لیفٹیننٹ جنرل نذیر احمد بٹ کی ملاقات
اسلام آباد ۔ 17 مئی (اے پی پی) صدر مملکت ممنون حسین نے کہا ہے کہ نیشنل ڈیفنس یونیورسٹی (این ڈی یو) معیاری تعلیم کی فراہمی، سویلین اور فوجی افسران کی تربیت اور دفاعی حکمت ہائے عملی تجویز کرنے میں قابل تحسین کردار ادا کر رہی ہے۔ انہوں نے یہ بات این ڈی یو کے صدر لیفٹیننٹ جنرل نذیر احمد بٹ سے ایوان صدر میں منگل کو گفتگو کرتے ہوئے کہی۔ جدید تعلیم کے حصول کی اہمیت کو اجاگر کرتے ہوئے صدر ممنون حسین نے ملک بھر میں اعلیٰ تعلیم کے معیار کو مزید بلند کرنے پر زور دیا۔ انہوں نے نہ صرف پاکستان کی مسلح افواج کے افسران اور سول بیورو کریسی کیلئے بلکہ دوست ممالک کے سینئر افسران کیلئے بھی معیاری سٹرٹیجک اور سیکورٹی سٹڈیز پروگراموں کا اہتمام کرنے پر این ڈی یو کو سراہا۔