صومالیہ میں مسجد منہدم ہونے کے باعث 15 ہلاک

موغا دیشو ۔ یکم مئی (اے پی پی) صومالیہ کے دارالحکومت موغادیشو میں ایک مسجد کی چھت گرنے سے 15 افراد ہلاک جب کہ 40 زخمی ہو گئے ہیں۔ پولیس کے ترجمان کا کہنا ہے کہ مسجد میں تعمیر کا کام جاری تھا اور حادثے کے وقت وہاں دو سو سے زائد افراد عبادت میں مشغول تھے۔ یہ حادثہ جمعے کے روز پیش آیا تھا اور امدادی کارروائیوں کے بعد گزشتہ رات تک 15 افراد کی لاشیں نکالی جا چکی ہیں۔