APP52-10 KARACHI: February 10 - Chief Minister Sindh, Syed Murad Ali Shah calls on President of Pakistan Dr. Arif Alvi at Governor House. APP

اسلام آباد ۔ 10 فروری (اے پی پی) صدر مملکت ڈاکٹر عارف علوی سے وزیر اعلی سندھ مراد علی شاہ نے طویل ملاقات کی، ملاقات کے دوران وفاق اور صوبہ سندھ کے درمیان ورکنگ ریلیشن اور تعاون کو مزید بہتر بنانے پر اتفاق کیا گیا۔ ایوان صدر سے جاری بیان کے مطابق صدر مملکت ڈاکٹر عارف علوی نے کہا کہ وفاقی حکومت کے سندھ میں جاری منصوبوں کو جلد از جلد مکمل کیا جائے گا۔ملاقات کے دوران سندھ میں پانی کی فراہمی یقینی بنانے پربھی اتفاق ہوا اور وفاقی حکومت کے کراچی میں جاری منصوبوں کی پیش رفت پر بھی غور کیا گیا۔ اجلاس میں اعادہ کیا گیا کہ کراچی میں جاری ماس ٹرانزٹ منصوبوں کو جلد از جلد مکمل کیا جائے گا۔ منصوبوں پر پیش رفت کا جائزہ لینے کے لئے صدر مملکت ڈاکٹر عارف علوی سے وزیر اعلی سندھ کی جلد دوبارہ ملاقات ہو گی۔