ٹوکیو۔ 20 ستمبر (اے پی پی) رگبی ورلڈ کپ 2019 کے افتتاحی میچ میں جاپان نے روس کو شکست دے دی۔ میگا ایونٹ گزشتہ روز جاپان میں شروع ہو گیا ہے جس میں 20 ٹیمیں شرکت کر رہی ہیں، ٹورنامنٹ کے افتتاحی میچ میں جاپان نے روس کو آﺅٹ کلاس کر دیا اور 30-10 سے ہرا کر پہلی کامیابی سمیٹ لی، پہلے ہاف میں فاتح ٹیم کو 12-7 سے سبقت حاصل تھی، جاپان کی جانب سے کوتارو میتسو شیما نے شاندار کھیل کا مظاہرہ کیا اور ہیٹ ٹرک سکور کی۔ ٹورنامنٹ میں (کل) ہفتہ کو پہلے میچ میں آسٹریلیا اور فجی جبکہ دوسرے میچ میں فرانس اور ارجنٹائن کی ٹیمیں مدمقابل ہوں گی۔