اسلام آباد ۔ 13 اکتوبر (اے پی پی) وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ وزیراعظم کے وعدے کے مطابق شعبہ صحت میں تبدیلیاں لا رہے ہیں،پمز میں سکیل ایک سے 5 تک 286 جبکہ 6 سے 16 سکیل کی 138 پوسٹوں پر بھرتیاں کی جائیں گی، اس کے علاوہ ہسپتال کی 42 پوسٹوں کو اپ گریڈ کیا جا رہا ہے۔اتوار کو اپنے ایک بیان میں انہوں نے کہا کہ وفاقی حکومت شعبہ صحت میں اصلاحات کے وعدے پر کاربند ہے جس کے تحت پمز میں افرادی قوت بڑھانے کا فیصلہ کیا گیا ہے۔ڈاکٹر ظفر مرزا نے کہا کہ پمز میں سکیل ایک سے 5تک 286 جبکہ 6 سے 16 سکیل کی 138 پوسٹوں پر بھرتیاں کی جائیں گی اس کے علاوہ ہسپتال کی 42 پوسٹوں کو اپ گریڈ کیا جا رہا ہے۔معاون خصوصی نے کہا کہ افرادی قوت بڑھانے سے پمز کی کارکردگی میں بہتری آئے گی۔انہوں نے کہا کہ وزیراعظم کے وعدے کے مطابق شعبہ صحت میں تبدیلیاں جاری ہیں، شعبہ صحت میں اصلاحات وزیراعظم کی اولین ترجیح ہے۔