سینیٹر ڈاکٹر ثانیہ نشتر، معاون خصوصی برائے سماجی تحفظ و تخفیف غربت کا عالمی بینک کے سیشن سے خطاب

اسلام آباد۔17ستمبر (اے پی پی):سینیٹر ڈاکٹر ثانیہ نشتر، معاون خصوصی برائے سماجی تحفظ و تخفیف غربت نے واشنگٹن میں منعقدہ عالمی بینک کے سیشن بعنوان”جنوبی ایشیا میں انسانی سرمائے کی ترقی بذریعہ ٹیکنالوجی “سے خطاب کیا۔ سیشن کا انعقاد عالمی بینک کی ریجنل انٹگریشن، کوآپریشن و انگیجمنٹ برائے جنوبی ایشیا کے زیراہتمام کیا گیا۔

ڈاکٹر ثانیہ نے حکومت پاکستان کے احساس ایمرجنسی کیش پروگرام کے تجربات پر روشنی ڈالی۔ اپنے خطاب میں انہوں نے کہا کہ کورونا وبا کے دوران احساس ایمرجنسی کیش میں ڈیٹا اور ٹیکنالوجی کو بروئے کار لاکر ملک کی غریب آبادی کو سماجی و معاشی المیئے سے بچایا گیا۔

پاکستان کی نمائندگی کرتے ہوئے ان کا مزید کہنا تھا کہ کورونا وبا کے تناظر میں پاکستان کے احساس ایمرجنسی کیش کے اسباق سے خطے کے دیگر ممالک بھی سیکھ سکتے ہیں۔

سیشن میں بنگلہ دیش، نیپال، دیگر ممالک و عالمی بینک کے پالیسی ساز ماہرین اور ٹیک انٹرپرینیورز نے بھی شرکت کی۔ سیشن عالمی بینک لائیو کے ذریعے واشنگٹن سے براہ راست نشر کیا گیا۔