الحمرا ادبی بیٹھک میں نامور فکشن رائٹر نیئر مسعود کے فن اور فکر پر خصوصی نشست منعقد

لاہور۔20نومبر (اے پی پی):الحمرا ادبی بیٹھک میں اہم ادبی نشست کا انعقاد ہوا، جس میں نامور کہانی نگار نیئر مسعود کی زندگی، ادبی خدمات پر انہیں خراج عقیدت پیش کیا گیا۔ اس نشست میں معروف دانشور ڈاکٹر ناصر عباس نیئر بطور مقرر شریک ہوئے، انہوں نے نیئر مسعود کے فکشن نگاری کے اہم نکات اور ان کے فکری زاویوں پر روشنی ڈالی،

ڈاکٹر ناصر عباس نیئر نے اپنے خیالات کا اظہار کرتے ہوئیکہا کہ نیئر مسعود کی تحریر آسانی سے سمجھ نہیں آتی، لیکن ایک بار جب قاری ان کے متن میں داخل ہو جاتا ہے تو ان کی قوتِ بیان اور ذہنی وسعت سے متاثر ہوئے بغیر رہا نہیں جا سکتا، نیئر مسعود کا کام اردو افسانے میں جدت کی نئی راہیں کھولنے کا سنگِ میل ہے،

اور وہ اپنے ادبی معیار کو کبھی قربان کیے بغیر نیا تجربہ کرتے رہے۔ چیئرمین الحمرا رضی اللہ عنہ نے بھی اس نشست میں خصوصی شرکت کی اور نوجوان ادیبوں کو اس طرزِ فکر کی اہمیت پر زور دیا۔ ایگزیکٹوڈائریکٹر الحمرا محمد محبوب عالم چوہدری نے اپنے تاثرات میں کہا کہ الحمرا ادبی بیٹھک ایک تاریخی مقام ہے جو نوجوانوں کے لیے افکار و فکر کا نیا سرچشمہ ہے۔

نیئر مسعود کی زندگی اور فن کو خراجِ تحسین پیش کرتے ہوئے، اس نشست نے ادبی دنیا میں ان کی اہمیت کو دوبارہ اجاگر کیا، ان کے کام اور شخصیت پر کی گئی گفتگو نے حاضرین کو نئی سوچ اور فکری تحریک فراہم کی۔