سیالکوٹ چیمبر کے وفد کا اکیڈمیا صنعت و تعلیمی شعبہ روابط کے سلسلے میں ٹرائی میڈ انڈسٹری کا دورہ

سیالکوٹ۔ 19 ستمبر (اے پی پی):سیالکوٹ چیمبر کے وفد نے ٹرائی میڈ انڈسٹری کا کیڈمیا صنعت و تعلیمی شعبہ روابط کے سلسلے میں دورہ کیا۔ایم او یو کے تحت سیالکوٹ چیمبر کی جانب سے شروع کیے گئے انڈسٹری اکیڈمیا روابط کے دوروں کے سلسلے کو آگے بڑھاتے ہوئے، فیکلٹی کے ایک نامزد وفد نے کمپنی کی جانب سے فراہم کردہ مسئلے کی تفصیل کے تناظر میں ٹرائی میڈ(پرائیویٹ) لمیٹڈ کا دورہ کیا۔وفد کا استقبال ڈاکٹر گوہر اقبال اور کاشف اقبال نے کیا۔ ٹرائی میڈ کی انتظامیہ کے ساتھ پیش کردہ مسئلے کی تفصیل پر مفید بات چیت کی گئی، جس کے بعد نشاندہی کیے گئے مسائل کے عملی پہلوؤں اور متعلقہ طریقہ کار کو سمجھنے کے لیے فیکٹری کا تفصیلی دورہ کیا گیا۔دورے کے بعد، تعلیمی ماہرین اور ٹرائی میڈ کی انتظامیہ مشترکہ طور پر نشاندہی کیے گئے مسائل کے حل تلاش کرنے کے لیے کام کریں گے۔ اس سلسلے میں، نامزد تعلیمی ماہرین ایک ورکنگ پیپر تیار کریں گے جس میں مجوزہ حل اور آئندہ کے لائحہ عمل کا خاکہ پیش کیا جائے گا تاکہ مزید غور و خوض اور عمل درآمد کو یقینی بنایا جا سکے۔