صدر سیالکوٹ چیمبر آف کامرس اینڈ انڈسٹری سید احتشام مظہر نے چیف آفیسر ضلع کونسل سیالکوٹ اشفاق احمد سے ملاقات کی اور باہمی امور پر تبادلہ خیال کیا۔اس موقع پر صدر سیالکوٹ چیمبر اور سی ای او ضلع کونسل نے تاجر برادری اور مقامی حکومتی اداروں کے درمیان مضبوط تعاون کی اہمیت پر زور دیا
صدر سیالکوٹ چیمبر کی چیف آفیسر ضلع کونسل سیالکوٹ سے ملاقات،باہمی امور پر تبادلہ خیال
سیالکوٹ۔ 02 جون (اے پی پی):صدر سیالکوٹ چیمبر آف کامرس اینڈ انڈسٹری سید احتشام مظہر نے چیف آفیسر ضلع کونسل سیالکوٹ اشفاق احمد سے ملاقات کی اور باہمی امور پر تبادلہ خیال کیا۔اس موقع پر صدر سیالکوٹ چیمبر اور سی ای او ضلع کونسل نے تاجر برادری اور مقامی حکومتی اداروں کے درمیان مضبوط تعاون کی اہمیت پر زور دیا۔ اس ملاقات میں شہری اور بنیادی ڈھانچے سے متعلقہ چیلنجوں کے عملی حل کی نشاندہی پر زور دیا گیا جو خطے میں کاروبار کو متاثر کرتے ہیں۔
صدر ایس سی سی آئی نے سیالکوٹ میں میونسپل سروسز کو بہتر بنانے اور کاروبار کے لیے مزید سازگار ماحول فراہم کرنے کے لیے بہتر ہم آہنگی اور باہمی تعاون پر اتفاق کیا۔ دونوں نمائندوں نے شہر کی پائیدار ترقی اور اس کی کاروباری برادری کی فلاح و بہبود کے لیے مسلسل مصروفیت اور تعاون کے عزم کا اظہار کیا۔
