اسلام آباد۔15ستمبر (اے پی پی):صدر مملکت ڈاکٹر عارف علوی (آج) سندھ کے سیلاب زدہ علاقوں کا دورہ کریں گے۔
ایوان صدر کے پریس ونگ سے جمعرات کو جاری بیان کے مطابق صدر مملکت ڈاکٹر عارف علوی دادو اور نواب شاہ میں ریلیف کیمپس کے دورہ کے دوران متاثرین سے ملاقات کریں گے۔
اِس موقع پر صدر ڈاکٹر عارف علوی کو انتظامیہ کی جانب سے سیلاب متاثرین کی امداد اور بحالی کیلئے کئے جانے والے اقدامات کے متعلق بریفنگ بھی دی جائے گی۔
