مضافاتی علاقوں کو ماڈل ایریاز بنانے کے لیے صفائی آپریشن ٹیمیں فیلڈ میں متحرک، سی ای او

لاہور۔7اکتوبر (اے پی پی):ستھرا پنجاب کے تحت شہری علاقوں کے ساتھ ساتھ مضافاتی علاقوں میں بھی بہترین صفائی سہولیات کی فراہمی یقینی بنائی جا رہی ہے۔ سی ای او ایل ڈبلیو ایم سی شہریار عارف خان کی خصوصی ہدایت پر مضافاتی علاقوں کو ماڈل ایریاز بنانے کے لیے صفائی آپریشن ٹیمیں فیلڈ میں متحرک ہیں۔واہگہ ٹائون میں مزید موثر صفائی انتظامات کے لیے شاہراہوں اور گلی محلوں میں بھی صفائی ستھرائی پر عملہ مامور ہے۔شادی پورہ، مومن پورہ، گل بہار ٹائون اور ہانڈو گجراں میں صفائی عملہ تعینات ہے۔سلطان محمود روڈ، دلشاد اسٹریٹ، کریم بازار اور محمود بوٹی میں کنٹینرز کلیئرنس کا عمل روزانہ کی بنیاد پر جاری ہے۔

جی ٹی روڈ، بند روڈ اور بسی موڑ میں بھی مینوئل سویپنگ پر صفائی عملہ تعینات ہے۔ مناواں، جلو موڑ، فیصل بازار، گھرکی روڈ اور واہگہ گائوں میں ہیوی مشینری کے ذریعے ویسٹ کلیئرنس یقینی بنائی جارہی ہے۔جبکہ ڈیال گائوں، جلو پارک، جلو گائوں، باٹاپور اور تیج گڑھ میں بھی صفائی ٹیمیں تعینات ہیں۔ سی ای او ایل ڈبلیو ایم سی کا اس حوالے سے کہنا ہے کہ ستھرا پنجاب لاہور کے100 سے زائد لوڈر رکشے دیہی یونین کونسلز میں صفائی پر مامور ہیں جبکہ تمام لوڈر رکشے بیٹ وائز ڈور ٹو ڈور ویسٹ کولیکشن یقینی بنا رہے ہیں۔ وزیر اعلی پنجابکے ویژن کے تحت شہریوں کو صفائی کی بہترین سہولیات فراہمی ہی اولین ترجیح ہے۔اس مقصد کے حصول کے لیے تمام تر وسائل بروئے کار لائے جا رہے ہیں۔