وزیر مملکت برائے مذہبی امور وبین المذاہب ہم آہنگی کھئیل داس کوہستانی کی پی ٹی آئی احتجاج کی کال پر کڑی تنقید

اسلام آباد۔23ستمبر (اے پی پی):وزیر مملکت برائے مذہبی امور و بین المذاہب ہم آہنگی کے وزیر مملکت کھئیل داس کوہستانی نے پاکستان تحریک انصاف (پی ٹی آئی) کی جانب سے آئندہ احتجاج کے حوالے سے دیے گئے پرتشدد اور جارحانہ بیانات کو تشویشناک قرار دیا اور کہا کہ پی ٹی آئی کی اس طرح کے مظاہرے کرنے کی ایک طویل تاریخ رہی ہے۔ بدھ کو ایک نجی ٹی وی چینل سے گفتگو کرتے ہوئے انہوں نے کہا کہ ملک کے دشمن بھی ایسے بیانات دینے کی جرات نہیں کر سکتے۔

انہوں نے زور دیا کہ حکومت کسی کو بھی تشدد اور نفرت پھیلانے یا حملے کرنے کی اجازت نہیں دے گی۔وزیر مملکت نے پی ٹی آئی کے احتجاج کے مقصد پر سوال اٹھاتے ہوئے کہا کہ جماعت نے کوئی واضح مطالبہ پیش نہیں کیا ہے اور اس کے بجائے وہ دارالحکومت کے رہائشیوں کے لیے مشکلات پیدا کرنے کی کوشش کر رہی ہے۔ایک سوال کے جواب میں انہوں نے کہا کہ جب ملک کو مختلف محاذوں پر کئی چیلنجز کا سامنا ہے، تو خیبر پختونخوا کے وزیرِ اعلیٰ حکومتی امور اور سکیورٹی کے چیلنجز سے نمٹنے کے بجائے صوبوں کے درمیان دشمنی کو ہوا دے رہے ہیں۔