وفاقی وزیر شزہ فاطمہ خواجہ کا میجر طفیل محمد شہید، نشانِ حیدر کی 68ویں برسی پر خراجِ عقیدت

اسلام آباد۔8اگست (اے پی پی):وفاقی وزیر شزہ فاطمہ خواجہ نے میجر طفیل محمد شہید، نشانِ حیدر کی 68ویں برسی پر خراجِ عقیدت پیش کرتے ہوئے کہا ہے کہ ​میجر طفیل محمد شہید نے جان کا نذرانہ پیش کر کے دفاعِ وطن کی تاریخ میں لازوال باب رقم کیا۔

وزارت انفارمیشن ٹیکنالوجی و ٹیلی کمونیکیشن کی جانب سے ہفتہ کو جاری بیان میں وفاقی وزیر نے کہا کہ ​میجر طفیل محمد شہید کی قربانی اور بہادری پوری قوم کے لیے باعثِ فخر ہے۔ شزہ فاطمہ خواجہ نے کہا کہ ​شہداء کی قربانیاں آنے والی نسلوں کے لیے ایک روشن مثال اور مشعلِ راہ ہیں۔ انہوں نے کہا کہ ​ہمارے عظیم سپوت آزادی، خودمختاری اور قومی سلامتی کے مضبوط محافظ ہیں۔ شزہ فاطمہ خواجہ نے کہا کہ ​میجر طفیل محمد شہید کی جرات پاک افواج کی پیشہ ورانہ مہارت اور وطن سے وابستگی کی علامت ہے،​قوم اپنے شہداء اور ان کی عظیم قربانیوں کو کبھی فراموش نہیں کرے گی۔