پانامہ کیس کے حوالے سے ہمیں کوئی پریشانی نہیں، دامن صاف ہے، وزیراعظم محمد نواز شریف عدالتوں سے سرخرو ہو کر نکلیں گے،وزیر مملکت طارق فضل چوہدری
اسلام آباد ۔ 3 دسمبر (اے پی پی) وزیر مملکت برائے کیڈ ڈاکٹر طارق فضل چوہدری نے کہا ہے کہ پاکستان تحریک انصاف ہم پر جھوٹے اور بے بنیاد الزامات لگا رہی ہے، پانامہ پیپرز سمیت ہمارے اوپر جتنے بھی الزامات لگائے ان میں سے کسی ایک کا بھی کوئی ثبوت آج تک عدالت میں پیش نہیں کر سکی۔ پانامہ کیس کے حوالے سے ہمیں کسی قسم کی کوئی پریشانی نہیں ہے کیونکہ ہمارا دامن صاف ہے اور ہم پر عزم ہیں کہ وزیراعظم محمد نواز شریف عدالتوں سے سرخرو ہو کر نکلیں گے۔ ان خیالات کا اظہار انہوں نے گذشتہ روز ایک نجی ٹی وی چینل کے پروگرام میں گفتگو کرتے ہوئے کیا۔
