اسلام آباد۔27مارچ (اے پی پی):وفاقی وزیر منصوبہ بندی ، ترقی و اصلاحات پروفیسر احسن اقبال نے اس بات پر زور دیا ہے کہ گرین ہاؤس کے کل عالمی اخراج میں پاکستان کا حصہ ایک فیصد سے بھی کم ہے جس کی وجہ سے یہ دنیا میں سب سے کم ہے، پھر بھی یہ پاکستان موسمیاتی تبدیلی کے حوالے سے سب سے زیادہ غیر محفوظ ممالک میں شامل ہے۔ان خیالات کا …
گرین ہاؤس کے کل عالمی اخراج میں پاکستان کا حصہ ایک فیصد سے بھی کم ہے وفاقی وزیرپروفیسر احسن اقبال کا 10ویں ایشیا پیسفک فورم برائے پائیدار ترقی 2023 سے خطاب
مزید خبریں
اسلام آباد۔27مارچ (اے پی پی):وفاقی وزیر منصوبہ بندی ، ترقی و اصلاحات پروفیسر احسن اقبال نے اس بات پر زور دیا ہے کہ گرین ہاؤس کے کل عالمی اخراج میں پاکستان کا حصہ ایک فیصد سے بھی کم ہے جس کی وجہ سے یہ دنیا میں سب سے کم ہے، پھر بھی یہ پاکستان موسمیاتی تبدیلی کے حوالے سے سب سے زیادہ غیر محفوظ ممالک میں شامل ہے۔ان خیالات کا اظہار انہوں نے 10ویں ایشیا پیسفک فورم برائے پائیدار ترقی 2023 سے خطاب کرتے ہوئے کیا جہاں انہوں نے پاکستان کی معاشی حالت کو متاثر کرنے والے اہم محرکات بشمول کوویڈ 19، یوکرین روس جنگ کی وجہ سے مہنگائی اور شدید موسمیاتی آفات پر روشنی ڈا لی جن سے پاکستان کو اربوں ڈالر کے نقصان کا سامنا کرنا پڑا۔
وفاقی وزیر نے شرکاء کو بتایا کہ حکومت نے 2022 کے سیلاب کے بعد بہت سے اقدامات اٹھائے جن میں سیلاب کی بحالی اور تعمیر نو (4RF) سٹرٹیجک پالیسی بھی شامل ہے جس کا مقصد متاثرہ لوگوں خاص طور پر سب سے زیادہ متاثر لوگوں کی زندگی اور معاش کو بحال کرنا ہے۔انہوں نے کہا کہ حکومت پاکستان کی جانب سے سیلاب کے بعد کی بحالی کے کچھ اقدامات میں بے نظیر انکم سپورٹ کے تحت 10 لاکھ گھرانوں کو ہنگامی امداد فراہم کرنا، مارکیٹ کے لئے قابل ہنر افراد فراہم کرنے کے لئے نوجوانوں کا انٹرنشپ پروگرام شروع کرنا اور سیلاب کے منفی اثرات سے نمٹنے کے لئے قومی سیلاب سے بچاؤ کا منصوبہ بنانا شامل ہے،2022 میں شدید موسمیاتی آفات کی بدولت اربوں ڈالر کا نقصان ہوا۔ وفاقی وزیر منصوبہ بندی نے اس عزم کا اظہار کیا کہ حکومت طویل مدتی موسمیاتی تبدیلیوں اور موافقت کے لئے پرعزم ہے، کثیر شعبوں کی حکمت عملیوں کے ذریعے، حکومت طویل مدتی موسمیاتی تبدیلی کے منصوبوں کو ترجیح دے رہی ہے۔
