سیالکوٹ۔21جون (اے پی پی):ترجمان محکمہ زراعت سیالکوٹ نے سبزمرچ کے کاشتکاروں کواچھی پیداوار کے حصول کےلئے فصل کو مختلف بیماریوں کے حملہ سے محفوظ رکھنے کی ہدایت کی ہے ۔
انہوں نے کہاکہ مرچ کے کوڑھ کی بیماری کے حملہ سے پیداوارمیں کمی واقع ہوتی ہے یہ بیماری ابتدائی پھل پرگول گہرے دھبوں کیہ صورت میں ظاہرہوتی ہے جیسے جیسے یہ دھبے پھیلتے جاتے ہیں اورآخرمیں سارا پھل سیاہ ہو کر گل سڑجاتاہے ‘پتوں کے موڑاؤں کیوجہ سے پتے چڑمڑہوجاتے ہیں،پھول جھڑجاتے ہیں اور جو پھول بنتاہے وہ بھی چھوٹا ہوتاہے ۔
انہوں نے”اے پی پی“کوبتایاکہ مرچ کا مرجھاﺅکی بیماری پتوں پر گول یہ نوک دار بھورے داغوں کی صورت میں ظاہرہوتی ہے جوبعدمیں سیاہ رنگت اختیار کرلیتے ہیں ،مرچ کے تناؤ کا گلاؤ کے حملہ سے پودے کا تنازمین کی سطح کے بالکل قریب سے گل جاتاہے بعدازاں سارا پھول سوکھ جاتاہے اس بیماری سے بچاؤ کےلئے پھل آوری سے پہلے ٹاپسن ایم ریڈومل گولڈ یہ متبادل زہرین 3تا5مرتبہ بدل کر سپرے کریں ، بیماریوں کے بروقت تدارک کےلئے پودوں کا وقفے وقفے سے معائنہ کرتے رہیں۔
Short Link: https://urdu.app.com.pk/urdu/?p=370392
