فیصل آباد ۔ 27 جون (اے پی پی):ریسرچ انفارمیشن یونٹ آری فیصل آباد نے کاشتکاروں کوجولائی کے دوران ماش کی تر وتر حالت میں کاشت اور قطاروں کافاصلہ ایک فٹ تک رکھنے کی ہدایت کی ہے۔۔
یونٹ کے ترجمان نے کہاکہ کاشتکار ماش کی کاشت کے لیے میرازمین کا انتخاب کریں اورماش کی منظور شدہ ترقی دادہ اقسام ماش 97، ماش عروج 2011، چکوال ماش کاشت کریں جن کی پیداواری صلاحیت 22 سے25 من فی ایکڑ ہے۔
انہوں نے کہاکہ زیادہ بارش والے علاقوں میں شرح بیج 8کلوگرام فی ایکڑ جبکہ دیگر علاقوں میں 10کلوگرام فی ایکڑ ہونا ضروری ہے۔ کاشتکار زیادہ بارش والے علاقوں میں کھیلیوں پر ماش کی کاشت تروتر حالت میں کریں اورقطاروں کا باہمی فاصلہ ایک فٹ تک رکھیں۔انہوں نے بوقت کاشت ایک بوری ڈی اے پی اور آدھی بوری پوٹاشیم سلفیٹ فی ایکڑ ڈالنے کی ضرورت پر بھی زور دیا۔
Short Link: https://urdu.app.com.pk/urdu/?p=371559
