فیصل آباد۔ 10 جولائی (اے پی پی):دھان کے کاشتکاروں کو پنیری اکھاڑتے وقت جھلسے ہوئے اور سنڈی سے متاثرہ پودے الگ کرکے فوری زمین میں تلف کرنے کی ہدایت کی گئی ہے ۔
ریسرچ انفارمیشن یونٹ آری فیصل آبادکے ترجمان نے کہاکہ کاشتکار 9،9انچ کے فاصلے پر 2،2پودے اکٹھے لگائیں اس طرح فی ایکڑ سوراخ کی تعداد 80ہزار جبکہ پودوں کی تعداد ایک لاکھ 60ہزار ہو جائے گی نیز اگر پانی وافر مقدار میں موجود ہو تو جڑی بوٹیوں کی تلفی کے لیے کھیت میں 3انچ پانی 30دن تک کھڑا رکھیں لیکن اگر جڑی بوٹیوں کی تلفی بذریعہ زہرکرنی ہو تو سفارش کردہ جڑی بوٹی مار زہر لاب کی منتقلی کے 3 سے 5دن کے اند ر اندر چھڑکاؤ کی جاسکتی ہے۔
انہوں نے کہا کہ اس دوران کھادوں کا خاص خیال رکھیں لہٰذا کاشتکار موٹی اقسام کے لیے پونے 2بوری ڈی اے پی، سوا2 بوری یوریا، سوا بوری پوٹاشیم سلفیٹ فی ایکڑ جبکہ باسمتی اقسام کے لیے ڈیڑھ بوری ڈی اے پی، پونی بوری یوریا اور ایک بوری پوٹاش فی ایکڑ بوقت منتقلی پنیری ڈالیں۔ کاشتکار مزید رہنمائی کے لیے ماہرین زراعت یا محکمہ زارعت کے فیلڈ سٹاف کی خدمات سے بھی استفادہ کرسکتے ہیں۔
Short Link: https://urdu.app.com.pk/urdu/?p=373248
