سیالکوٹ۔11جولائی (اے پی پی):اسسٹنٹ ڈائریکٹر پیسٹی سائیڈز اینڈ پیسٹ وارننگ کوالٹی کنٹرول سیالکوٹ ڈاکٹر مقصود احمد نے کاشتکاروں کو موسم گرما کی سبزیوں کی 8سے 10دن کے وقفے سے آبپاشی اور ہفتہ میں2مرتبہ پیسٹ سکاؤٹنگ کی ہدایت کی ہے۔
انہوں نے کریلے اور موسم گرما کی دیگر سبزیوں بشمول سبزمرچ، گھیاتوری، گھیا کدو وغیرہ سے جڑی بوٹیوں کی فوری تلفی کی بھی ہدایت کی ہے اورکہا کہ ان سبزیوں کی بہترپیداوارکے حصول کے لئے گوڈی کے ذریعے جڑی بوٹیاں تلف کرنے کے اقدامات بھی ضروری ہیں۔
انہوں نے کہا کہ آخری گوڈی کے وقت پودوں کے ساتھ مٹی چڑھادیں۔ انہوں نے کاشتکاروں کیساتھ ساتھ عوام کو بھی سفارش کی کہ وہ گھریلو پیمانے پر بھی کچن گارڈننگ پروگرام کے تحت زیادہ سے زیادہ سبزیاں اُگانے کے لئے اقدامات کریں تاکہ سبزیوں کی تازہ اور صحت مندپیداوارحاصل ہوسکے۔
Short Link: https://urdu.app.com.pk/urdu/?p=373433
