فیصل آباد ۔ 04 اگست (اے پی پی):ماہرین زراعت نے پودینے کی کاشت رواں ماہ( اگست) کے آخر میں شروع کر کے ستمبرکے آخر تک مکمل کرنے کی ہدایت کر دی ، کاشتکار اس عرصے میں کاشت مکمل کرنے کے لئے اقدامات یقینی بنائیں تاکہ اس کی بہتر پیداوار حاصل ہو سکے۔ایک بیان میں انہوں نے کہا کہ ایک ایکڑ رقبے پر پودینے کی کاشت کے لئے ایک لاکھ 75ہزار سے 2لاکھ تک پرانے پودوں کی ٹہنیاں اور جڑوں کے ٹکڑے درکار ہوتے ہیں۔
انہوں نے کہا کہ اگر پودینے کی کاشت کے فوراً بعدآبپاشی کر لی جائے تو اس کے بہترین نتائج حاصل کئے جا سکتے ہیں۔ انہوں نے کہاکہ پودینہ کی کاشت کے لئے ایسی زمین کا انتخاب بھی ضروری ہے جو زرخیز اور پانی کا بہتر نکاس رکھتی ہو۔ انہوں نے کہا کہ جس کھیت میں پودینہ کی کاشت مطلوب ہو اس میں سبز کھاد ڈالنے سے بھی فی ایکڑ بہترین فصل حاصل ہو سکتی ہے۔
Short Link: https://urdu.app.com.pk/urdu/?p=377943
