فیصل آباد ۔ 31 اگست (اے پی پی):ڈیٹ پام ریسرچ انسٹی ٹیوٹ ایوب زرعی تحقیقاتی ادارہ فیصل آباد کے ماہرین نے کہا کہ کھجور کاپھل ستمبرکے آغاز میں پکنا شروع ہو جاتا ہے جسے جدید ٹیکنالوجی کے استعمال سے 10 سال کے لیے ذخیرہ کیا جاسکتا ہے۔
انہوں نے بتایاکہ جیسے جیسے گرمی کی شدت میں اضافہ ہوتاہے ویسے ہی کھجور جلد پک کر تیار ہونا شروع ہوجاتی ہے۔۔ انہوں نے کہا کہ کھجور ایک ایسا انمول تحفہ ہے جسے خشک کرکے کئی سالوں کیلئے ذخیرہ کیاجاسکتاہے۔ انہوں نے کہا کہ کھجور کے تنے میں گھاؤ لگایا جائے تو اس سے انتہائی لذیز اور خوشبودار مواد برآمد ہوتاہے اور اسے عموماً اس وقت پیاجاتاہے جب اسے نکالاجائے۔
انہوں نے کہاکہ کھجور کے پیڑ سے نکلنے والے گوند کو بیرونی چوٹوں کے لیے استعمال کیاجاتا ہے جبکہ گھٹنے پر چوٹ کے استعمال کی صورت میں بھی زبردست افاقہ حاصل ہوسکتاہے۔
Short Link: https://urdu.app.com.pk/urdu/?p=384637
