اسلام آباد۔29نومبر (اے پی پی):زرعی شعبے کی ترقی کے لیے اقدامات کے نتیجہ میں اہم فصلوں کی پیداوارمیں جاری مالی سال کی پہلی سہ ماہی میں نمایاں اضافہ ریکارڈ کیا گیا ہے۔ پاکستان بیورو برائے شماریات کی طرف سے جاری کردہ اعدادوشمار کے مطابق جاری مالی سال کی پہلی سہ ماہی میں (جولائی تا ستمر2023) کی مدت میں زرعی شعبے میں مجموعی نمو کی شرح 5.06 فیصد ریکارڈ کی گئی ہے۔
اہم فصلوں کے زیرکاشت رقبے میں اضافے کی وجہ سے پیداوار میں عمومی اضافہ دیکھنے میں آیا ہے،پیداوار مجموعی طور پر 11.16 فیصد کی شرح سے نمو ہوئی ہے۔اعدادوشمار کے مطابق چاول، کپاس اور مکئی کی فصلوں کی پیداوار مالی سال کی پہلی سہ ماہی میں بالترتیب 21، 11 اور 5 فیصدکی شرح سے نمو ریکارڈ کی گئی ہے،گنے کے زیرکاشت رقبے میں 11 فیصد کی کمی کے باوجود چاول، کپاس اور مکئی کی زیادہ پیداوار نے زرعی شعبے پر مجموعی طور پر اچھے اثرات مرتب کئے ہیں۔
Short Link: https://urdu.app.com.pk/urdu/?p=415084
