فیصل آباد۔ 08 دسمبر (اے پی پی):جامعہ زرعیہ فیصل آباد کے ماہرین زراعت نے کہا کہ عالمی منڈی میں ذائقہ ولذت کے اعتبار سے منفرد حیثیت کا حامل ملکی آم زبردست مانگ کے باعث آتے ہی چھا جاتاہے جبکہ پاکستان زیادہ آم کی پیداوار حاصل کرنے والے ممالک میں چھٹے نمبر پراور پاکستان میں 0.142 ملین ایکڑکے آم کے باغات پر مشتمل رقبہ میں سے صوبہ پنجاب ملک میں آم کی مجموعی پیداوارکا 1.7 ملین ٹن کا 70 فیصدحصہ دارہے۔انہوں نے کہا کہ آم کیباغات کی کامیاب اور نفع بخش کاشت کاانحصار ان کی مناسب دیکھ بھال پر ہے لہٰذا باغبان تھوڑی سی توجہ سے نہ صرف پھل کی بہتر کوالٹی بلکہ زیادہ پیداوار کے حصول کو یقینی بنا سکتے ہیں۔
انہوں نے کہا کہپاکستان آم کی کل پیداوار کا صرف 5فیصدبرآمد کرتا ہے اسلئے اگر بین الاقوامی منڈیوں کی مانگ کے مطابق معیار کو بہتر بنایا جائے تو آم کی برآمدات میں اضافہ کی کافی گنجائش موجود ہے۔انہوں نے کہا کہ آم کی گدھیڑی کے بچے اور ما دہ درختو ں کی نر م شا خو ں سے اپنے منہ کی سو ئیا ں چبھو کر رس چو ستے ہیں اور جسم سے لیسدار مادہ خا رج کرتے ہیں جس کی وجہ سے پتوں پر سیاہ پھپھو ندی اُگ آتی ہے اس طرح عمل ضیا ئی تالیف میں رکاوٹ پیدا ہونے کی وجہ سے پودے کی خوراک کم بنتی ہے جس سے نر م شا خیں اور پھو ل خشک ہو جا تے ہیں۔
انہوں نے کہا کہماہ دسمبر میں آم کی گدھیڑی کے انڈوں سے بچے نکلنے کا عمل شروع ہو جاتا ہے لہٰذاباغبان ان کی تلفی کیلئے آم کے پودوں کے گرد گوڈی کریں اورتنے کے گرد زمین کھود کر کلوربائی ری فاس10 ملی لٹر فی لٹرپانی میں ملا کر ڈالیں تاکہ بچے انڈوں سے نکلتے ہی زہر کے اثر سے مرجائیں نیز باغبان آم کے پودوں کے تنوں پر1 فٹ چوڑائی کا بند لگائیں اور اس کے درمیان 1انچ اچھی کوالٹی کے گریس کا بند لگائیں تاکہ گدھیڑی کے بچے اوپر نہ چڑھ سکیں اور دوسرے دن بند کے نیچے لیمڈا سائی ہیلو تھرین یا بائی فینتھرین بحساب 250ملی لٹر 100 لٹر پانی میں ملا کر حسب ضرورت 3 دن تک سپرے کریں۔انہوں نے کہا کہباغبان اس ضمن میں ایک ہی زہر کا بار بار استعمال نہ کریں۔
Short Link: https://urdu.app.com.pk/urdu/?p=417979
