ٹالین۔24جنوری (اے پی پی):یورپی یونین نے رواں سال کے آخر تک یوکرین کو کم از کم 1.3ملین جنگی ہتھیاردینے کا اعلان کیا ہے۔
تاس کے مطابق یورپی یونین کے کمشنربرائے ٹیکنالوجی تھیری بریٹن نے اپنے دورہ ایسٹونیا کے دوران وزیر اعظم کاجا کالاس کے ساتھ ملاقات کی اور روس ۔یوکرین جنگ میں یوکرین کے ساتھ تعاون بارے کہا ہے کہ یورپ اپنے تمام امکانات کے ساتھ یوکرین کی حمایت جاری رکھے گا ۔
انہوں نے کہا کہ ہمارا ہدف یوکرین کو رواں سال کے آخر تک کم از کم 1.3ملین جنگی ہتھیار فراہم کرنا ہے ۔
