لاہور۔26اپریل (اے پی پی):پاکستانی فلم انڈسٹری کے معروف اداکار و فلمسازنعیم ہاشمی کی48ویں برسی (کل)ہفتہ 27اپریل کو منائی جائے گی۔نعیم ہاشمی نے اپنے فنی کیرئیر کا آغاز کلکتہ میں فلم ’’چاندنی چوک‘‘سے کیا جبکہ تقسیم ہند کے بعد انکی پاکستان میں بطور اداکار پہلی فلم انقلاب کشمیر تھی جو کہ1948 میں ریلیز ہوئی ۔وہ نہ صرف ایک اچھے اداکار تھے بلکہ ایک کہنہ مشق شاعر،مصنف اور ہدایتکار بھی تھے۔
انہیں ایک پاکستانی فلم میں مشہور زمانہ نعت شاہ مدینہ کی شاعری لکھنے پر بے پناہ شہرت حاصل ہوئی۔انہوں نی75سے زائد اردو اور پنجابی فلموں میں اداکاری کے جوہر دکھائے ۔ان کی قابل ذکر فلموں میں بابل،نور اسلام،شمع،شیر جوان ،شریف بدمعاش،سرفروش،خاتون،یار مستانے اور بنارسی ٹھگ شامل ہیں ۔حشر نشر ان کی زندگی کی آخری فلم تھی جو کہ1976 میں ریلیز ہوئی۔نعیم ہاشمی 27اپریل 1976 کو ذیابیطس کے مرض کا شکار ہو کر چل بسے تھے۔
Short Link: https://urdu.app.com.pk/urdu/?p=460443
منائی جائے گی){kind=link}