لاہور۔12اگست (اے پی پی):معروف پاپ سنگر نازیہ حسن کی 24 ویں برسی (کل)13اگست منگل کومنائی جائے گی ۔ نازیہ حسن 3اپریل 1965 کو کراچی میں پیدا ہوئیں ۔انہوں نے اپنا بچپن کراچی اور لندن کے تعلیمی اداروں میں گزارا ۔1980 میں نازیہ حسن صرف 15برس کی عمر میںاس وقت شہرت کی بلندیوں پر پہنچ گئیں جب انہوں نے بھارت کے معروف فلم ساز فیروز خان کی فلم قربانی میں آپ جیسا کوئی میری زندگی میں آئے تو بات بن جائے گایا ۔
نازیہ حسن نے پی ٹی وی پر متعدد پروگرام اور ٹی وی کمرشلز میں بھی کام کیا۔ نازیہ حسن نے اپنے بھائی زوہیب حسن کے ساتھ مل کر پاکستانی موسیقی میں ایک نئی جہت روشناس کروائی۔ انہوں نے 80کی دہائی میں موسیقی میں مغربی انداز متعارف کروایا جسے پاکستانی نوجوان نسل کے ساتھ بیرون ملک بھارت،امریکہ،عرب امارات،لاطینی امریکہ سمیت دنیا بھر میں بھرپور پذیرائی حاصل ہوئی۔نازیہ حسن 13اگست2000 کو لندن کے ایک اسپتال میںصرف 35برس کی عمر میں انتقال کر گئی تھیں۔
Short Link: https://urdu.app.com.pk/urdu/?p=493069
