پاکستان نیشنل کونسل آف دی آرٹس میں معروف فنکارہ ارم وانی کے فن پاروں کی نمائش کا انعقاد

اسلام آباد۔28اگست (اے پی پی):پاکستان نیشنل کونسل آف دی آرٹس ( پی این سی اے ) میں معروف فنکارہ ارم وانی کے فن پاروں کی نمائش کا انعقاد کیا گیا۔ نمائش نیشنل آرٹ گیلری میں جا ری ہے۔ یہ نمائش پرنٹ میکنگ کی روایتی اور جدید تکنیکوں کا احاطہ کرتی ہے، جس میں ارم وانی نے اپنی دو دہائیوں پر محیط کیریئر کے تجربات اور مہارت کا اظہار کیا ہے۔

افتتاحی تقریب میں کوریا کے پاکستان میں سفیر پارک کی جن (PARK KI JUN)نے شرکت کی اور ارم وانی کی تخلیقی صلاحیت اور تکنیکی مہارت کو سراہا۔ نمائش 28 اگست سے 4 ستمبر 2024 تک گیلری نمبر 2 میں عوام کے لیے کھلی رہے گی۔

پی این سی اے 2 ستمبر کوارم وانی کی زیر قیادت ایک پرنٹ میکنگ ورکشاپ کا بھی اہتمام کر رہا ہے، جس میں شرکاء کو فنکارہ سے براہ راست سیکھنے کا موقع ملے گا۔

Short Link: https://urdu.app.com.pk/urdu/?p=498382