فیصل آباد۔ 24 ستمبر (اے پی پی):ریسرچ انفارمیشن یونٹ آری فیصل آبادکے ماہرین نے کاشتکاروں کو سویابین کی کاشت بروقت مکمل کرنے اور میرازمین کے انتخاب کی ہدایت کی ہے۔ترجمان نے کہا ہے کہ سویابین کی خریف فصل کی کاشت مقررہ مدت میں مکمل کرنے سے اس کی بڑھوتری کا عمل احسن طریقے سے جاری رہتا ہے۔ انہوں نے کہا کہ سویا بین کی بہتر پیداوار کے لئے میرا زمین کا انتخاب ضروری ہے جبکہ سویا بین کی منظور شدہ اقسام ولیمز 82، این اے آر سی 1، این اے آر سی 2، فیصل سویابین فی ایکڑ بمپر کراپ کی فراہمی کی ضامن ہیں۔
ترجمان نے کہاکہ میر ا زمین کے لئے ضروری ہے کہ اس میں پانی کا اچھا نکاس موجودہو تاکہ فصل کو نقصان پہنچنے کا احتمال نہ رہے۔ انہوں نے کہا کہ زمین کی تیاری کے لئے کھیت میں 2سے3 بار ہل چلانے کے علاوہ اسے سہاگہ دیا جائے نیز فصل کی کاشت صبح یا شام کے اوقات میں اس وقت کی جائے جب زمین تر وتر حالت میں موجود ہو۔ انہوں نے بتایاکہ اس ضمن میں مزید رہنمائی، معلومات یا مشاورت کے لئے زرعی ماہرین یا محکمہ زراعت کے فیلڈ سٹاف سے بھی رابطہ کیا جا سکتاہے۔
Short Link: https://urdu.app.com.pk/urdu/?p=505112
