ڈائریکٹر زراعت(توسیع) چوہدری خالد محمود نے کسانوں سے گزارش کی ہے کہ گندم کی کٹائی بروقت مکمل کریں اور فصل کی باقیات کو ہرگز نہ جلائیں کیونکہ یہ قانوناً جرم اور زمین کی زرخیزی کو بھی نقصان پہنچاتا ہے۔
گندم کی کٹائی بروقت مکمل کریں اور فصل کی باقیات کو ہرگز نہ جلائیں ،ڈائریکٹر
مزید خبریں
فیصل آباد۔ 14 اپریل (اے پی پی):ڈائریکٹر زراعت(توسیع) چوہدری خالد محمود نے کسانوں سے گزارش کی ہے کہ گندم کی کٹائی بروقت مکمل کریں اور فصل کی باقیات کو ہرگز نہ جلائیں کیونکہ یہ قانوناً جرم اور زمین کی زرخیزی کو بھی نقصان پہنچاتا ہے۔انہوں نے کہا کہ باقیات کو تلف کرنے کے بجائے جدید زرعی مشینری جیسے ویٹ سٹرا چاپر استعمال کریں۔کٹائی کے بعد گندم کو اچھی طرح خشک کرکے صاف اور محفوظ جگہ پر ذخیرہ کریں تاکہ نمی، کیڑوں اور پھپھوندی سے بچاؤ ہو سکے۔
اگر ممکن ہو تو ہرمیٹک بیگز یا بند گودام استعمال کریں۔انہوں نے کہا کہ گندم کو کیڑوں سے محفوظ رکھنے کے لئے مناسب زہروں کا استعمال محکمہ زراعت کی ہدایات کے مطابق کریں اور گوداموں کی صفائی کا خاص خیال رکھیں۔ان احتیاطی تدابیر پر عمل کر کے نہ صرف اپنی فصل کو محفوظ بنایا جا سکتا ہے بلکہ بہتر پیداوار اور زیادہ منافع بھی حاصل کیا جا سکتا ہے۔دریں اثنا ءحکومت پنجاب کی ہدایات کے مطابق ڈویژن کے چاروں اضلاع میں گندم خریداری مراکز پر باردانہ کی رجسٹریشن شروع ہو گئی ہے۔
ڈائریکٹر زراعت (توسیع)چوہدری خالد محمود نے بتایا کہ کاشتکار اپنا قومی شناختی کارڈ،بینک اکاؤنٹ نمبراور موبائل نمبرکے ہمراہ خریداری مرکز پر جاکر رجسٹریشن کرائیں۔انہوں نے کہا کہ سنٹرز پر کاشتکاروں کو معیاری سہولیات کی فراہمی یقینی بنائی گئی ہے۔
