انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ

اسلام آباد۔21ستمبر (اے پی پی):پاکستان کی انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ کیا گیا ہے۔سٹیٹ بینک آف پاکستان کے مطابق پیر کو انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 03 پیسے کا اضافہ ریکارڈ کیا گیا ہے جس کے بعد اس کی نئی قیمت 277 روپے 22 پیسے ہو گئی ہے۔

انٹربینک مارکیٹ میں سعودی ریال کی قدر 73 روپے 80 پیسے جبکہ بحرینی دینار کی قدر 735 روپے 43 پیسے رہی۔اسی طرح عمانی ریال کی انٹربینک مارکیٹ میں قدر 720 روپے 04 پیسے رہی۔ کویتی دینار کی قدر 901 روپے 97 پیسے اور قطری ریال کی قدر 76 روپے 05 پیسے ریکارڈ کی گئی۔دوسری جانب اوپن مارکیٹ میں امریکی ڈالر کی قیمت خرید 277 روپے 90 پیسے اور قیمت فروخت 278 روپے 25 پیسے ریکارڈ کی گئی۔