صدرِ مملکت آصف علی زرداری کی ڈیرہ اسماعیل خان میں دہشتگرد حملےکی شدید مذمت، شہداءکےاہلِ خانہ سے دلی تعزیت وہمدردی کا اظہار

اسلام آباد۔26ستمبر (اے پی پی):صدرِ مملکت آصف علی زرداری نے ڈیرہ اسماعیل خان میں دہشتگرد حملےکی شدید مذمت کی اور معصوم قیمتی جانوں کے ضیاع پر گہرے دکھ اور افسوس کا اظہار کیا ہے۔ ایوان صدر کے میڈیا وِنگ سے جاری بیان کے مطابق صدرِ مملکت آصف علی زرداری نے ڈیرہ اسماعیل خان میں پولیس چیک پوسٹ پر بم دھماکے کی شدید مذمت کی ہے۔صدرِ مملکت نے دھماکے کے نتیجے میں معصوم قیمتی جانوں کے ضیاع پر گہرے دکھ اور افسوس کا اظہار کیا۔صدرِ مملکت نے شہید ہونے والے افراد کےاہلِ خانہ سے دلی تعزیت اور ہمدردی کا اظہار کرتے ہوئے دعا کی کہ الّلہ تعالیٰ شہداء کے درجات بلند فرمائے اور لواحقین کو صبرِ جمیل عطا کرے۔صدرِ مملکت نے دھماکے میں زخمی ہونے والے افراد کی جلد صحت یابی کے لیے بھی دعا کی۔ صدرِ مملکت نے متعلقہ اداروں کو زخمیوں کو بہترین طبی سہولیات فراہم کرنے اور امدادی کارروائیاں مزید مؤثر بنانے کی ہدایت کی۔ صدر مملکت نے کہا کہ معصوم شہریوں اور قانون نافذ کرنے والے اہلکاروں کو دہشت گردی کا نشانہ بنانا انتہائی قابلِ مذمت ہے۔ صدر آصف علی زرداری نے کہا کہ بیرونی سرپرستی میں مذموم اور سفاک کارروائیوں کے مرتکب فتنہ الہندوستان اور فتنہ الخوارج کے دہشت گردوں کے خلاف کارروائیاں مزید مؤثر بنائی جائیں