این سی سی آئی اے اسلام آباد کی کارروائی، سوشل میڈیا پر اشتعال انگیز مواد پھیلانے کے الزام پر ایک ملزم گرفتار

اسلام آباد۔27ستمبر (اے پی پی):نیشنل سائبر کرائم انویسٹی گیشن ایجنسی (این سی سی آئی اے ) کے سائبر کرائم رپورٹنگ سینٹر (سی سی آر سی) اسلام آباد نے سوشل میڈیا کے ذریعے اشتعال انگیز اور قابلِ اعتراض مواد پھیلانے کے الزام پر ایک ملزم کو گرفتار کر لیا ۔

این سی سی آئی اےکے حکام نے اتوار کو اے پی پی کو بتایا ہے کہ یہ گرفتاری ایک انکوائری کے بعد عمل میں لائی گئی اور پاکستان پینل کوڈ (PPC) کی دفعہ 109 کے ساتھ ملا کر پریوینشن آف الیکٹرانک کرائمز ایکٹ (PECA) 2016 (جس میں 2025 میں ترمیم کی گئی تھی) کی دفعات 20 اور 26-A کے تحت ایف آئی آر نمبر 154/2026 درج کی گئی۔

انہوں نے کہا کہ یہ مقدمہ سوشل میڈیا کو اشتعال انگیز اور قابلِ اعتراض مواد پھیلانے کے لیے استعمال کرنے کے الزامات سے متعلق ہے۔ حکام نے کہا کہ مقدمہ کے حالات اور گرفتار ملزم کے مبینہ کردار کا تعین کرنے کے لیے مزید تفتیش جاری ہے۔این سی سی آئی اے نے واضح کیا ہے کہ تفتیش قانون کے مطابق کی جا رہی ہے اور ڈیجیٹل پلیٹ فارمز کے غلط استعمال کے خلاف قانونی کارروائی کرنے کے اپنے عزم کا اعادہ بھی کیا۔