جبوتی اور ایتھوپیا میں پاکستانی سفیروں نے ایم ٹی آنر 25 کے عملہ کے چار زخمی پاکستانی ارکان اورتین میتوں کو کراچی روانہ کر دیا ، ترجمان دفتر خارجہ

اسلام آباد۔4اکتوبر (اے پی پی):جبوتی اور ایتھوپیا میں پاکستان کے سفیروں نے ایم ٹی آنر 25 کے عملے کے چار زخمی پاکستانی ارکان اورتین میتوں کو کراچی روانہ کردیا۔

اتوار کو دفتر خارجہ کے ترجمان کی طرف سے جاری بیان کے مطابق جبوتی اور ایتھوپیا میں پاکستان کے سفیروں نے زخمی عثمان غنی، عقیل خان، امین بن شمس اور یاسر خان اور واقعہ میں جاں بحق ہونے والے ر فیع اللہ خان، سید کاشف عمر اور محمود احمد انصاری کی میتوں کو ادیس ابابا سے روانہ کیا۔زخمی اور میتیں ایتھوپین ایئر لائنز کی پرواز ای ٹی 694 سے کراچی پہنچیں گی۔