آرکٹک، انٹارکٹیکا اور چنگھائی تبت سطح مرتفع چین کے سیٹلائٹ انٹرنیٹ سے منسلک

بیجنگ۔19اکتوبر (اے پی پی):چین کی 16ویں آرکٹک سمندری مہم کی ٹیم نے پیر کو بتایا کہ اس کے قطبی برف توڑنے والے جہاز جیدی نے آرکٹک کے بحری راستوں پر مقامی طور پر تیار کردہ سیٹلائٹ انٹرنیٹ کے آپریشن سے قبل اطلاق کا کامیاب تجربہ مکمل کر لیا ہے۔

شنہوا کے مطابق مہم کے دوران پہلی بار آرکٹک، انٹارکٹیکا اور چنگھائی تبت سطح مرتفع، جسے زمین کا ’’تیسرا قطب‘‘ بھی کہا جاتا ہے، میں نیٹ ورک مواصلاتی نظام کی کامیاب تصدیق کی گئی، جس سے دنیا میں مواصلاتی کوریج کا آخری خلا بھی پُر ہو گیا ہے۔ مہم کی ٹیم کے مطابق یہ پیش رفت حاصل کی گئی ہے۔یہ مہم چین کی وزارت قدرتی وسائل کے زیر اہتمام منعقد کی گئی۔