اسلام آباد۔30اکتوبر (اے پی پی):چیف ایگزیکٹو اسلام آباد الیکٹرک سپلائی کمپنی (آئیسکو) محمد نعیم جان نے روزانہ کی بنیاد پر تمام آپریشنل سب ڈویژنز میں منعقد ہونے والی کھلی کچہریوں کی تفصیلات بتاتے ہوئے کہا ہے کہ 15جولائی2024سے جاری کھلی کچہریوں کے دوران850اووربلنگ،1434خراب میٹرز،7895بجلی خرابی،78خراب ٹرانسفارمرز،2526نئے کنکشن جب کہ20ہزار908متفرق شکایات موصول ہوئیں۔
بدھ کو جاری اپنے بیان میں انہوں نے کہا کہ بروقت اور موقع پر کارروائی کرتے ہوئے33691شکایات میں سے33682شکایات کو حل کر لیا گیا ہے جب کے9زیر التوا شکایات کے فوری حل کیلئے متعلقہ دفاتر کو ضروری ہدایات جاری کر دی گئیں ہیں۔ چیف ایگزیکٹو محمد نعیم جان نے کہا ہے کہ کھلی کچہریاں افسران و عملے کی کارکردگی کی آئینہ دار ہیں اور انکے باعث ادارے اور صارفین کے مابین اعتماد اور دوستی کا رشتہ قائم ہو رہا ہے اور اس سلسلے کو ہم کامیابی سے جاری رکھیں گے۔
فیلڈ فارمیشنز کو ہدایات جاری کرتے ہوئے انہوں نے کہا کے کھلی کچہریوں میں شرکت کرنے والے صارفین کے ساتھ پیشہ ورانہ اور دوستانہ رویہ اختیار کیا جائے مزید ان کے بیٹھنے کے لئے مناسب جگہ اور پینے کے صاف پانی کا بھی بندوبست کیا جائے۔
Short Link: https://urdu.app.com.pk/urdu/?p=519109
