لاہور۔26اگست (اے پی پی):انسپکٹر جنرل پولیس پنجاب ڈاکٹر عثمان انور نے سنٹرل پولیس آفس میں 1787 کمپلینٹ سنٹر کا اچانک دورہ کیا اور زیر التوا شکایات بارے دریافت کرتے ہوئے شکایات ازالے کا عمل چیک کیا،آئی جی پنجاب ڈاکٹر عثمان انور نے بذریعہ کال شہریوں کی شکایات سنیں اور موقع پر احکامات بھی جاری کئے۔
حافظ آباد سے موصول درخواست پر ڈی پی او حافظ آباد کو ذاتی نگرانی میں فوری ازالے کا حکم دیا۔ آئی جی پنجاب نے تمام سپروائزری افسران 1787 سے بھجوائی گئی شکایات پر فوری ایکشن لے کر شہریوں کو ہر ممکن ریلیف فراہم کریں۔ آئی جی پنجاب نے اے آئی جی کمپلینٹس کو ہدایت کی کہ کسی بھی ضلع سے اندراج مقدمہ میں تاخیر کی شکایت پر ذمہ داران کے خلاف محکمانہ کاروائی میں تاخیر نہ کی جائے۔ ڈاکٹر عثمان انور نے ہدایت کی کہ بذریعہ کال، ایس ایم ایس، ای میل سے دیگر ذرائع سے موصول شکایات کو مقررہ ٹائم لائن اور یس او پیز نے کے مطابق فوری حل کیا جائے۔
آئی جی پنجاب نے کہا کہ پولیس فورس کی جانب سے ہونے والی کسی بھی قسم کی بے ضابطگی کی درخواست 1787 پر درج کروائیں بلاتاخیر ایکشن عمل میں لایا جائے گا۔ آئی جی پنجاب ڈاکٹر عثمان انور نے کہا کہ شفاف اور غیر جانبدار احتساب پولیس فورس کی کارکردگی میں بہتری کا باعث بنے گا۔ اس موقع پر اے آئی جی کمپلینٹس احمد محی الدین نے آئی جی پنجاب کو 1787 ڈیش بورڈ اور مختلف ریجنز سے موصول شکایات بارے بریفنگ دی۔
Short Link: https://urdu.app.com.pk/urdu/?p=383009
