آئی جی پنجاب کی جرائم پیشہ افراد کے خلاف آپریشنز جاری رکھنے کی ہدایت

لاہور۔16اپریل (اے پی پی):آئی جی پنجاب ڈاکٹر عثمان انور نے جرائم پیشہ افراد کے خلاف آپریشنز جاری رکھنے کی ہدایت کردی۔

پنجاب پولیس نے 24 گھنٹوں میں 10 گینگز کے 23 کارندے گرفتار کر کے ان کے ملزمان کے قبضے سے کلاشنکوف، پسٹلز، رائفلز، ریوالورز، بندوقوں سمیت 114 ہتھیار، سینکڑوں کی تعداد میں گولیاں اس کے علاوہ 53 موٹر سائیکلز، 21 موبائل فونز، 05 تولے سونا، 02 کروڑ 30 لاکھ روپے نقدی برآمد کر لی۔

ترجمان پنجاب پولیس کے مطابق 318 اشتہاری، 189 عدالتی مفرور، 88 عادی مجرم بھی گرفتار کئے گئے۔ جرائم پیشہ عناصر کے خلاف کاروائیوں میں 2 ڈاکو کیفر کردار کو پہنچے، 6 زخمی ہوئے۔

Short Link: https://urdu.app.com.pk/urdu/?p=582734